ترکمنستان جمهوریتی نینگ قاراش سیزلیغی نینگ 19 – نجی ییل دؤنیمی قوتلی بولسین
27 اکتبر 2010 - 05 آبان 1389
-------------------------------------
تـﯚرکمنیستان قاراشسیزلیغینینگ ۱۹-نجی ییلینی طوی توتدی
۱۹۹۱-نجی ییلینگ ۲۷-نجی اوکتیابریندا قاراشسیزلیغینا ایه بولان تـﯚرکمنیستان قاراشسیزلیق بایرامی میناسیبتلی ۳ گـﯚن رسمی دینچآلیش ایغلان اتدی.
قاراشسیزلیق بایرامینا باغیشلانان دابارا‌لار شو گـﯚن ایردن دؤولت یولباشچیسی قوربانقولی بردی محمدوف، وزیرلر کابینهسینینگ آغضالارینینگ، دیپلوماتیک وکیلحانالارینگ یولباشچیلارینینگ، طالیپلارینگ و دؤولت ادارالارینینگ ایشگأرلرینینگ قاراشسیزلیق یادیگأرلیگینه گـﯚل دسسهلرینی قویماغی بیلن باشلادی.
هرییل جمهورباشلیغی کؤشکـﯚنینگ اؤنگـﯚندأکی بیتاراپلیق میدانیندا گچیریلیأن حاربی گؤرهلگه بو گزهک آرچابیل یولونینگ اوغروندا قورالدی.
تـﯚرکمنیستانینگ دؤولت موقامینینگ یرینه یتیریلمگیندن وبایداغینگ دینگه آسیلماغیندان سونگ قورانماق مینیستری یایلیمبردی بردیوینگ حاربی قشونا گؤرکزمه برمگیندن سونگ قورییر، دنگیز وحاربی حوجا گـﯚیچلرینه دگیشلی حاربی توپارلارینگ پارادی (نمایشی) باشلاندی.
دابارا قاتناشانلار حاربی پارادا ال چارپیشما‌لار بیلن سین اتدی.
حاربی پاراددان سونگ مشهور آحال-تکه آتلارینینگ یؤریشینه سین ادیلدی. آتلارینگ یؤریشیندن سونگ تـﯚرکمنیستانینگ لیدری بردی محمدوو-ا قاراشسیزلیق بایرامی میناسیبتلی مینیسترلر کابینهسینینگ آغضالاری تاراپیندان آحال-تکه آتی سوغات بریلدی.
سونگ مینیسترلر ودؤولت ادارالارینینگ ایشگأرلرینینگ پارادی گچیریلدی ویوردونگ بأش ولایتیندن گلن تانس توپارلارینینگ چیقیشی بولدی.
قاراشسیزلیق بایرامینا باغیشلانان دابارا‌لارا داشاری یورتلارینگ تـﯚرکمنیستانداقی وکیللری، حاربی آتاشهلر، تـﯚرک ایشهوﯚر آداملاری وکؤپ سانلی داشاری یورتلی میهمان قاتناشدی.
۱۹۹۱- نجی ییلینگ ۲۷- نجی اوکتیابریندا قاراشسیزلیغینا ایه بولان تـﯚرکمنیستان قاراشسیزلیق بایرامی میناسیبتلی ۳ گـﯚن رسمی دینچآلیش ایغلان اتدی.
ایکی گـﯚندن بأری دووام ادیأن دابارلارینگ چأگینده روحیت کؤشکـﯚنده تانیمال آیدیمچیلار کنسرت بردی، ارتیر بولسا آشغابادینگ دؤولت آیلاویندا آت چاپیشیغی بولار.
http://www.trtturkmenche.com/trtworld/tut/newsDetail.aspx?HaberKodu=54ca5bcd-10b9-422e-ad27-8c5419213260
- قایناق : ت ر ت تورکمنچه trtturkmence.com
--------------------------------------------
هیچ نظری موجود نیست:
ارسال یک نظر